台灣青年反「服貿」 對抗經濟霸權

(轉載草根. 行動. 媒體)

13279159913_9a8d524b78_c
近日網上有關台灣青年佔領立法院、反對「服貿」(中國同台灣之間嘅服務貿易協議)嘅消息不斷熱傳,香港人個個睇到熱血沸騰,身同感受咁,全因「服貿」令唔少香港人諗起當年同呀爺簽嘅CEPA(即係促成香港搞自由行、內地公司來港做生意免關稅等等嘅一項協議),似乎勾起左一部份香港人嘅慘痛回憶,猛咁叫台灣學生加油唔好俾台灣做下一個香港…

不過,大家反對嘅背後係因為咩原因呢?

「緊係唔好啦!一俾大陸入去咪好似而家香港咁慘囉!」

究竟呢個「服貿」,出問題嘅關鍵係咪純粹因為係同大陸合作呢?

解釋之前,同大家講下乜野係「兩岸服務業貿易協議」先。

簽左呢個協議之後,台灣就要對中國開放64項服務業,當中包括左上千種行業,由雜貨店、小食店、麵包店、文具店、理髮店、廣告設計等等都有,從此以後中國企業可以自由去台灣經營呢D生意…

暫時聽落,好似都冇乜問題姐,做生意,互惠互利,一邊提供資金,一邊提供市場同技術,咁咪皆大歡喜囉,做乜要咁激烈反對呀?

「自由貿易」,可能喺大家心目中係理所當然、應該存在嘅事,尤其是而家呢個世界,任何野一加上「自由」兩隻字就會變得神聖不可侵犯一樣,一有違反「自由」之嫌馬上就可以俾人「圍歐」!

但係,套上「自由」二字嘅貿易係咪真係大家想像中咁美好,係咪真係俾到每個人「自由」?

相信去過台灣嘅人都知道,台灣街道上總係有好多家庭式經營嘅小店存在,因為租金平嘅關係,好多台灣人唔需要好有錢就已經可以自己做生意,自給自足,雖然唔算係賺到可以開好多分店,但都總算可以維持生計,同時又為台灣嘅街道添上左多元化而樸實嘅氣息,呢樣都係好多香港人欣賞台灣嘅地方。

但大家試想像下,當呢班小本經營者要直接面對大企業大資本嘅挑戰時,出現嘅會係點嘅境況?

擁有雄厚資本嘅大集團,有「自由」喺台灣大量買地,有「自由」開一百間早餐店,仲有大把錢買機器去代替人手大量生產,大大減低成本,然後仲有「自由」平價賣出去,即係我地講嘅「頂爛市」。要繼續生存,其他舖頭都只能夠被迫參與割價,以抵抗來自大集團嘅競爭。

結果就係,冇資本支撐嘅中小企,捱唔住割喉戰而要「自由」消失,大企業就繼續「自由」擴展,喺呢個咁「自由」嘅環境底下,有「自由」存在嘅最後得返有錢佬…

唔通「自由」嘅含意就係等於有錢大企業嘅特權?

台灣雖然有唔少人都支持學生抗議「服貿」,但亦都有D聲音話學生們只係被政黨操控嘅政治工具,亦有人話台灣人只係怕俾中國控制住所以先至反對。

但從台灣好多參與反對行動嘅團體嘅行動宣言當中可以見到,佢地往往會強調「反對服貿,不是「逢中必反」,佢地認為服貿最大嘅問題在於,自由化下只係俾大資本受益,巨大嘅財團可以無限制咁、跨海峽咁擴張,呢啲跨海峽嘅財團會侵害台灣本土嘅中小型企業。」

可見這些佔領立法院的青年,真正反對嘅,係海外嘅大企業利用經濟霸權喺台灣造成惡性競爭,令中小企生存空間嚴重萎縮。「自由」開放入黎果舊錢係邊個國家,其實唔係重點。喺全球化底下,個個大國都宣揚要推行「自由貿易」,睇中邊個國家有資源有技術就拎舊錢去同佢傾,氹對方開放市場,再訂一堆不平等條款,等自己可以攞盡著數,國家之間睇落好似互惠互利,實質對基層勞工影響就極大。

延伸閱讀:

苦勞網:通過反服貿走向反全球化 (附兩岸服務貿易協議全文及附件)

http://www.coolloud.org.tw/node/74709

苦勞網: 《服貿》爛透了? 沒錯!這就是「自由貿易」

http://www.coolloud.org.tw/node/75102

關廠工人出聲明支持

苦勞網報導

http://www.coolloud.org.tw/node/77804

黑箱服貿懶人包

http://billy3321.github.io/tisa2/

黑色島國青年陣線【318青年佔領立法院 反對黑箱服貿行動宣言】

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: