新聞短打:「全民退保 基層無份講?」

轉載自[草根.行動.媒體]

 

social-protection1

吳好打草面 2014.8.21

哇,方向報連續兩日大篇幅報導周永新的全民老年金建議,尋日仲連社論都出埋。咁多淒涼長者,咁哽係留意下:

有標題係「民間六方案 財源惹爭議」,但內文只講周永生教授的方案加官員遊花園,所謂六個方案隻字不提。唔講方案內容,叫讀者點比較呀?另一條標題係「退保方案『萬稅』 收入愈高供愈多」,跟住商界就話「怕增負擔要結業」,中產又話「 養埋冇做野嘅人唔公平」……

方向訪問咗果對中產夫婦都幾好笑。何氏一家月入成十萬,就算用周生個方案,月供2.5﹪,都只係二千五蚊。假如方案即時生效,何家老爺奶奶外父外母又全部健在,一人攞三千,四個人攞萬二蚊。供少少,收多多,計落仲有賺,又何來養其他人呀?

咁究竟係呢位何太唔識計數?定係個記者冇講清楚俾佢聽?還是係佢地平日俾兩家父母的家用,夾埋連二千五蚊都冇呀?

最慘既係兩日的報導,由標題到內容,全是教授、官員、中產、老闆、外國,基層市民的聲音一滴都無咁濟,更加冇基層長者的聲音,尋日勉強算係有個聲稱自己有仔養的白頭叔叔講左兩句話「有都好」咁囉。

再睇尋日方向報社論,哦,明白哂!原來方向報都覺得保障基層長者是「養冇返工的人」!唓,搞左半日,原來方向報係想話果啲日日執紙皮的婆婆係「無工作的人」!跟住又推俾政府,咁政府啲錢咪又係我地俾。咁係咪應該收返大財團多啲利得稅呢?話說香港利得稅世界之冠喎。地產霸權都食左唔少基層血汗啦,個個月係咁加租,日日坐係到食人地啲血汗錢,咁算係有工作咩?嘔番啲渣出來都要呱!

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: