短打新聞:咁樣老屈郭紹傑,好唔道德喎…

轉載自草根 ‧行動 ‧ 媒體

短打新聞: http://orientaldaily.on.cc/cnt/news/20141114/00176_050.html

咁樣老屈郭紹傑,好唔道德喎…

文:讀者

最近方向報大標題講到金鐘佔領區市民「郭紹傑被質疑詐傷攞假」,小標題又「手抓鐵馬 毫無受傷迹象」、辯稱「有晒醫生證明」云云……都話工時長的工友,睇報紙好可能淨係有時間睇標題,咁淨係睇標題,毫無受傷迹象喎,實係話郭紹傑有問題啦--咪住咪住!係咪都要睇清楚,郭紹傑受咩傷,又係做咩工,搞到番唔到工先?

睇埋內文,郭生做的是救生員,受的傷是去年工作斷了鎖骨,遲下仲要做手術。講明救生員,係真係要救生,斷左一邊鎖骨,畀著你在泳池出左事,你都唔敢交條命畀一個斷左鎖骨嘅人救啦!真係諗極都諗唔明,斷鎖骨,邊有得呃的呢……方向報仲猜度郭一個月有幾錢人工,但搵錢多少同應唔應該放假,好似無直接關係喎。

方向報仲話「匿名爆料稱」郭因騙工傷已被康文署停職……但隔左整整兩大段之後的報導,才講番康文署已回應「絕無其事」。所謂爆料根本唔係事實,咁仲報嚟做乜?方向報係咪博讀者睇唔到康文署回應乎?

以上種種,似乎方向報的報導,效果上有老屈郭紹傑,欺瞞讀者之嫌喎……做人嘅嘢,就算你唔同意佔領運動,咁樣老屈都唔道德啦!堂堂一份大報,唔係咁不負責任下話?!

諗番轉頭,方向報話有「自稱救生員的市民」懷疑郭紹傑呃工傷,明明報導入面都指郭在工傷期間不忘做工會事,之前亦有為救生員爭取權益(詳見草根.行動.媒體較早前的報導:拯溺員全港大罷工 促政府承認專業資格),究竟係咩救生員會係咁隊佢呀?

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: