Archive for 2014 年 12 月

深圳女工爭取有薪月經假報導及網上徵集活動

轉載自[草根.行動.媒體]

編按:

其實很多女性月經來時,會疼痛得甚麽也做不到。在日本、韓國、台灣及印尼的女性,每月都可有一天的有薪生理假,亦即「月經假」,讓經期不適的女性可以留在家中休息; 不過香港和中國的女性就無啦……

近日,深圳有一班女工集體爭取有薪月經假,在「11.25國際消除對婦女暴力日」在公園又跳又唱《女工自主歌》和自創的《月經之歌》,唱出女工的心聲,並在網上發起徵集活動。

香港慢其他地方好多拍才剛剛有男士有薪侍產假(仲要得三天),咁多地方都有的女士有薪月經假,又唔知要等到幾時至有呢?

~~~~~~~~~~~~~~~~~~~~~~~~~~~~~~~~~~~~~~~

「我撐月經假」——工廠女工集體要求帶薪月經假

轉自: http://www.ilabour.org/Item/Show.asp?m=1&d=3492

11月23日下午3點,深圳福永某公園,數十名女工統一服裝,自編自導了一場“我要月經假”的文藝表演,集體要求帶薪月經假,引來大量路人圍觀。

“我撑月经假”——工厂女工集体要求带薪月经假

“我撐月經假”——工廠女工集體要求帶薪月經假

改革開放30多年,中國成為世界加工廠的同時,2.62億農民工進城打工,女工佔接近35%(其中50% 是16-20歲,25%超過40歲)。珠三角的產業工人中,超過60%是女工,而且大多數都是普工,繁重的工作量及各種管理制度,導致女工在來月經的時候出現各種問題,痛經請不到假,站立作業,上夜班等制度都不利於女工身心健康。長期以來女工權益一直被忽視,11月25日是消除對婦女的暴力國際日,在這特別的日子舉辦此次活動希望推動女工權益的落實、改善,性別議題的發聲,從女工每月有一天的帶薪月經假開始。

據瞭解,這數十名女工來自福永周邊不同的工業區,通過一個關注女工公益網絡平台認識,大家經常談繁重的工作量及各種管理制度,導致在來月經的時候出現各種問題不利於女工身心健康,覺得如果有帶薪月經假,經期女職工將能夠在一定程度上得到保障。大家自發相約在“11.25國際消除對婦女暴力日”開展一次“我撐月經假”公益宣傳活動。

“我撑月经假”——工厂女工集体要求带薪月经假

“我撐月經假”——工廠女工集體要求帶薪月經假

在表演過程中,她們通過集體舞蹈《女工自主歌》表達女工希望通過行動來實現獨立自主的要求,並話劇演繹工作場所中經期限制上廁所、請假難的問題,引來觀眾陣陣掌聲。以此同時,她們也向圍觀觀眾講解女工帶薪月經假的理由,並呼籲男女共同關注女職工權益,一起參與支持女職工的帶薪月經假。最後,她們的自創歌曲《月經之歌》唱出了女工的心聲,歌詞“請假扣工資,上廁所時間控制啊,我們女工要求,一天有薪月經假”深受現場女工認可。

“我撐月經假”——工廠女工集體要求帶薪月經假

除了表演,她們還在現場發起徵集“帶薪月經假十大理由”活動,圍觀觀眾參與積極,女工寫下參與者的理由大部分都表示來月經時痛經,身體不舒服等。該活動的一個主要參與者表示”這只是活動的開始,接下來會持續開展徵集活動,希望能夠有更多人參與和支持女職工每月有一天的有薪月經假。女工權益不單是月經假,我們希望從月經假開始來推動改善我們女職工的權益。”
“我撑月经假”——工厂女工集体要求带薪月经假

~~~~~~~~~~~~~~~~~~~~~~~~~~~~~~~~~~~~~~~~~~~~~~

網上徵集活動同步開始,網絡徵集參與方式如下:
“我要带薪月经假10大理由”征集开始

1、直接發送至主辦方-手牽手工友活動室;

寫下你支持帶薪月經假的理由,拍照後將照片發送至1513891630@qq.com ,或者發送至自己的新浪微博,加上話題#帶薪月經假十大理由#並@手牽手工友活動室 (正面照、側面照、背面照均可,如下圖海報所示)。

2、聯繫新生代:

將拍攝照片發送至新生代郵箱ilabour2014@gmail.com;

通過QQ號 (2946225803)聯繫我們,QQ消息,QQ郵箱、QQ空間留言、評論等均可。也可以發佈自己的說說並@新生代2014.

通過微信公眾號新聲代(微信號:xsdgznmg)將照片發送給我們。

徵集結束時間:2015年2月20日。

主辦方聯繫方式:

手牽手工友活動室:電話 13410134760,QQ群106848090.

廣告

侍產假[袋住先]都講得出?

轉載自:草根‧行動‧媒體

文: 你估而家同你乞咩

方向報標題大大隻字話侍產假「袋住先」?!吓?袋住先即係唔係最好啦,佢仲寫到下年有三日侍產假就好似要去慶祝咁?

再睇, 仲有兩個小標題力勸各打工仔「袋住先!」?

第一句小標題「勞資關係劣 難增至七日」,講到冇架啦,冇計啦。睇埋內文句野是邊個講?原來係工聯會陳婉嫻。好多聲音都話工聯會不支持七天侍產假,係出賣工人啦,方向報就講到得「李卓人」一個係咁批評,仲要俾整整一大段陳婉嫻打苦情牌回應?!

第二句小標題「警告倘修訂 當局即撤案」,整整兩大段俾晒位張建宗講官腔廢話,張建宗竟然話,如果議員提出任何修訂通過左,政府就會撤回草案 。嘩,明明咁嘅態度先係大新聞喎。政府咁樣同拎支槍迫你受有咩分別?即係其實傾咩都無用啦。唔接受任何修改而迫你通過嘅草案,咁都唔叫威脅立法會?但方向 報在整篇報導的最尾總結句竟然直接引述張建宗嘅話,好似好接受佢真係坦誠交代咁?!

pregnant2

侍產假應該三日定七日,成篇報導好似兩邊意見都有講,但睇篇幅、睇標題,就好明顯方向報企左喺政府同商界嗰邊啦。

「袋住先」?老老實實,唔通會有勞資關係變好的一天?擺明都係語言偽術,講大話啦。你睇下地鐵、巴士車費夠話可加可減啦,你睇下呢幾年,車費加左多多聲,幾時見佢有減過吖!

其實方向報記者簡單上網查一查,就見到就算英國和非洲的肯雅,都有兩星期有薪侍產假啦。七日都算少啦。呢啲又唔見方向報報下?仲要大小標題兼篇幅都仲幫住晒政府商家,到底方向報係真心關心基層,定係又幫政府做公關呀?

新聞原文:http://orientaldaily.on.cc/cnt/news/20141219/00176_020.html

新聞解毒短打:方向報萬能key : 貪曾與佔領?

轉載自:草根‧行動‧媒體

百花

10418149_538538032949892_8774396398806230592_n

嗱,首先,我地同意左以下的前題先:無論是否贊成佔領,都無理由俾人當傻仔係咪先!
第二,詞語解釋:萬能鎖匙即係:無論內文與果樣嘢有無關係,有無自相矛盾,都無問題,讀者只要信不要問!

最近發現方向報的萬能key 兩條:
1) 「一日最衰都係佔領/泛民」

通常是社會情況似是而非,話係咩人錯都好似有些道理的,方向報就講呢句。

百花絕對不是任何政黨的朋友,但昨日睇報紙真笑到碌地。
大家玩下找錯處呀,報導第一段:
「佔領行動自九月底延至日前結束,政府統計處公布,今年九至十一月失業率維持在百分之三點三,連續五個月維持不變...」

明明段文字自己都話「佔領行動自九月底」,但又話失業率已「連續五個月維持不變」,即係早在七月已經維持著同一數字?唔通方向報分唔到5和2兩個數字?定係唔識11-9=2?

下面小標題仲離譜,話[零售建造業 失業率上升],但內文張建宗明明係講緊失業率下跌喎!!!

嗱!再一次唔好俾含混的字眼和標題呃到!反轉嚟講都得!?

咁有咩升左?只係零售建造業的就業不足率上升。

首先,就業不足係話一個人想一日番八個鐘,但只有五、六個鐘的工可以番之類。這絕非說該等人士已經失業。是否受佔領影響?百花唔知,可能有啦,但都要調查下嘛,小學數學都有教啦,數字上升下跌說明不了原因,要用其他調查至講到原因架嘛。

我地若習慣哂呢啲似是而非的數字,就會成日俾人呃囉陰公。

2) 「一日最衰都係曾蔭權」

通常就係社會情況嚴重到大家都感覺到,政府走唔甩責任時,方向報就會講呢句。

鞭屍賴貪曾, 現屆政府慘到咩咁, 做唔到野唔可以怪佢。例子?長策報導是也。

大佬,唔好咁樣侮辱市民的智慧好喎。
(不過注意啦,除非個有錢佬大老闆已做左落湯雞好似許生和郭生咁,否則方向報好少會話有錢佬大老闆要負責的,好似侍產假報導咁,最多笑下張建宗拎住三個奶樽啫,唔會鬧果啲代表老闆的議員涼薄架。)

原文:http://orientaldaily.on.cc/cnt/news/20141219/00176_023.html

活動推介: 聖誕活化墟 Christmas Market

2014年12月24日25日 晚上7pm開始
熙龍里 x 上海街 交界
德昌里 蘇波榮
咸美頓街 x 上海街 活化廳

* 歡迎拎埋屋企剩物一同擺攤,送贈、講價、交換、隨心而發



社區聖誕活動一覽!!

24-25 (26)/12 7pm 活化廳/ 熙龍里/ 德昌里【活化墟】
https://www.facebook.com/events/1595517524001219/

24-27/12 蘇波榮【聖誕大餐】
https://www.facebook.com/wearesoboring

25/12 3:30pm Fred媽【聖誕派飯團】

29/12 6pm 蘇波榮【大阪燒祭】 (待定)

29-31/12 6pm 蘇波榮【年底清貨賣雜物】

31/12 跨年飯 (待定)

詳見: https://www.facebook.com/events/1595517524001219/

時間就係生命呀老細!——全球化下的散工揾工記

轉載自:草根‧行動‧媒體

編按:有位做散工的基層市民,近日因被人事公司玩了一舖好激氣,寫下過程,好值得大家基層朋友分享!

文:散工偉

話說我近排都係返下一些散工,發生左激氣,同大家分享一下:

個故事大概就係跨國做生意的公司,點樣用個制度去綁起人,唔當人時間係時間。

份工我係點搵呢?
睇到兼職網,請短期包裝員,然後電話交涉原來係一間人事顧問公司A填了張表,隔左一個星期,忽然打電話來話第二(1126)要面試,五點鐘去到青衣地鐵站。去到,人事顧問公司約了10人,由青衣地站再乘的士去工廠

去到係一間在青衣新填海的一間工廠,上到去原來係一間時裝店,NET-A-PORTER,我就未聽過,不過個接待處就囉。 
5點半面試,那時有約30個人,4點半那批,也約30人。

作為一個包裝員的面試,是包括筆試和實習試,筆試包括翻譯10個英文字,3選擇題,同2組配對,還有睇片做包裝。

考英文,全部都係好少見的,及與成衣有關的英文配對,係一隻高鞋同5個英文字,還有一件恤衫的英文字我心諗,你叫我用中文講出高5個部份,我都有困難,你唔係考埋晒呢啲英文嘛


面試時總會有人問,返幾點

職員話到時會知我地公司每年兩次請兼職,今年121月,夏天還會有一次。另外,仲有3TRAINING,大家要預124,5,6回來

過左日,個人事公司問我係咪12月同1整整兩個月都可番工,我話得。唉,點知咁就俾人老點左啦!
佢話,121日,我地要去人事顧問公司會負責同我地做CRIMINAL CHECK(犯罪紀錄),又有去另一間人事顧問公司C,話佢會負責同我簽約

最後呢間人事顧問公司C涉時,我都興地,我問幾時有工返佢地就硬係話唔知、遲啲講,但就係咁問我個人資料。

算啦。我123日一口氣就走去灣仔做CRIMINAL CHECK去左中環簽約簽約時,我再三問即係幾時要返工

佢同我講,話公司叫我返時間,而簽約內容是12-1月。張約都係賤賤的,因為講明係人事公司請我而非工廠,咁即係若果我做做下野工傷的話邊個會負責呢?仲有,張約只係寫12月至1月返工,時薪五十元,除此之外無咩特別,想不到,原來是內有古惑!

 

正式開工 等於無業十日

好喇﹗上TRAINING啦,原來只是得一日而唔係之前講的三日,不過好在係有糧出的。 
原來,男女仔係分開請,男仔做執貨,女仔做包裝,男仔由細路至伯伯共有8個倉好似一間好大好整齊的玩具反X城咁,全球喜歡訂呢隻牌子代理的其他名牌的人會在網上訂,訂單來自世界各地的人,

至少有中國美國,因為貨要報關,就要另外放開。然後,所有野,每日用DHL寄晒出去。

 

正式返工128日,即是剛剛的星期一,係朝八晚八除了8個臨時工之外,亦有一些全職員工,大概七至八人其實做到三四點已經得閑到要搵其他野做放工時,個主管講,除了收到通知的人外,其他人18先至再返工喇﹗

O晒嘴。即係,番左一日工加一日培訓就失業?但呢十日期間,無糧出,又揾唔到第二份可以番十日的工喎。

咁呢八個男士,話晒都一齊TRAINING,就即刻問究竟邊個有得返,原來只得一個

個個對眼個失落樣,真係唔可以用墨筆去形容。

放工時大家坐廠車,我同其中兩個有傾計,原來大家係來自三家不同的人事顧問公司(他們來自另兩間人事顧問公司D人事顧問公司E),張約會有不同,最相同的是,大家都係預左12月同1有工有糧出

一份50小時既工作,預左返兩個月,網上廣告是寫朝九半六半,每日九小時,每周做六日,所以,我預算,用了天的時間蝕俾佢,去青衣面試, 去灣仔俾人查犯罪紀錄又要去中環簽約,都算數啦

依家個情況原來係,返完兩日上工加培訓有薪,然後就十日後先至再有糧出18號之後又唔知有冇啦喎

大佬呀,我地的時間都係時間嚟!之前問定我地係咪整整兩個月都得,原來就綁住你啲時間,等佢隨時自己決定要請你幾多日!我呢啲淨係養自己就話啫,如果要拎錢番屋企果啲,咪俾你玩死?!

真激氣﹗﹗﹗ 其實過程中,所有人都好NICE,就個制度玩殘你﹗

全球化乜春呢?

呢篇文仔,我點都要係個標題之下加個「全球化」呢三個字,

你真係只能夠相信,全球化的得益者只係得有錢有權有勢的人。

呢間有能力收集全世界名牌子,和有能力做足宣傳賣貨給喜愛名牌子人類品種的公司,
你諗諗,件貨由原材料至製成,由製成運送到人類品種手上,中間要經過幾多工人的血汗和時間,同幾多唔當你地工人既血汗同時間係血汗同時間既情況。﹗
香港喎…國際城市喎,真係唔好以為件衫俾去窮地方度製造,就眼不見為淨?﹗件貨經一經香港,品質彷彿又安全點,保証又彷彿,出出入入都自由點,公司又賺到錢,人類品種又有名牌子,然後,件衫經過手的每一個工人,都係被搵笨﹗
我又真係唔信得這一間公司是如此衰格,老友﹗ 遇到如此衰格的情況,至少要講出去﹗

發展局外請願 促監管港珠澳大橋地盤意外

photo-1

港珠澳大橋地盤意外頻生 發展局責無旁貸
(工業傷亡權益會新聞稿)

今天下午3:30,本會和關注職業安全的工傷工友一共十多人,到發展局與港珠澳大橋有關官員會面,以了解多宗意外的跟進情況。發展局及路政署都出席了會議,其中發展局副常任秘書長陳志明先生表示對多宗意外發生感到難過,一直與路政署緊密商討改善方案;並責成承建商確保工人安全。本會感受到 局方推動職安之誠意,亦提供了改善安全之建議。本會期望當局真的能夠落實推動改善職安,避免同類意外發生。

日前,港珠澳大橋人工島地盤發生奪命工業意外,導致一名工人連人帶挖土機墮海死亡。本會感到非常難過,短短半年來,港珠澳大橋地盤已經累積造成四名工人死亡,情況十分嚴重!

為何嚴重意外不斷發生?當局到底有沒有檢討施工程序;有沒有作出相應的改善措施?路政署和發展局於事件上有絕對不可推卸的責任!為了完成工程而罔顧工人性命,是十分殘酷和讓人憤怒的行為!

相信大家對兩年前港珠澳大橋人工島工作台墮下,造成一死十四傷的悲劇記憶猶新。當時,當局的輿論是人工島乃新進技術,表示存在未能預計的風險。如今,兩年過去,港珠澳大橋包括人工島意外不降反升,當局有沒有作出反思?!

另外,有人曾提出疑問:意外是否涉及“趕工”問題?本會認為當局應就此作出交代。不過,本會需要指出:每逢施工地盤發生嚴重意外,勞工處必定發出“停工通知令”,地盤需要立即停止施工,直至調查完畢為止。至於停工時間的長短則視乎調查之進度。例如2012年人工島下墮導致1死14傷的意外則停工三個月之久。可想而知,過去累積多宗嚴重意外,工程進度必定大受影響。承建商可能會想盡辦法加快進度,以按時竣工。

距離預計竣工兩三年的時間,如何確保同類意外不會發生,保障工人性命安全是當局和承判商必須面對的問題。本會要求發展局:

一、公開交代意外原因。
二、協助家屬與承建商商討善後安排。
三、檢討及提出改善方法,避免意外。
四、加強巡查監管,確保工人安全。
五、嚴懲違例承建商,例如黑名單或者要求承建商繳付較高的安全費等等。

近半年港珠澳大橋意外:
1)2014年7月23日,一名工人在躉船上搬運喉管時墮海死亡。
2)2014年9月9日,一名工人躉船上處理淤泥時墮海死亡。
3)2014年10月19日,一名工人在港珠澳大橋工程地盤內,因工作台折斷墮地死亡。

4)2014年12月12日,一名工人人工島上駕駛挖泥機,連人帶機墮海死亡。

工業傷亡權益會 15/12/2014

2014年國際移工日亞洲移住人士聯盟新聞稿

photo209588408726694652

香港外藉家務工聲援Erwiana 要求修改入境及勞工條例

逾百外籍家務工參與紀念國際移工日的遊行,並於入境事務大樓外集會,為受害同工Erwiana Sulistyaningsih爭取公義,要求香港政府改善外傭政策。

遊行隊伍先經過位於銅鑼灣的印尼領事館,再到灣仔入境事務大樓集會。在是日遊行領頭的,是由印尼、泰國、尼泊爾、斯里蘭卡及菲律賓的外籍家務工組織所組成的亞洲移住人士聯盟(AMCB)。其發言人Eni Lestari表示:「我們正密切留意Erwiana案件的審訊,並支持她為彰顯公義而作出的努力。香港現行的外傭政策存有漏洞,未能保護我們免受如Erwiana以及以往眾多外傭所曾遭受的虐待。我們對香港政府未能制定重大的改善方案感到極為失望。」

遊行人士認為,外籍家庭工的入境政策往往迫使她們忍受僱主的剝削及虐待,包括肢體虐待、性侵犯、拖薪、欠薪、不合理的居住及工作環境和違反休息日協議。

Lestari指出:「外籍家庭傭工逗留條件的『兩星期規定』依然在實質層面上控制了我們在香港的處境。『兩星期規定』加上『強制留宿條例』,更助長了無間斷的、對外籍家務工的虐待。儘管受到國際批評,香港政府仍然拒絕修改上述條例,反而將Erwiana案及本年內的其他類似案件當作個別事件處理。」

「諷刺的是,」她強調,「我們的訴求獲得的回應並非政策上的改革,而是更嚴苛的入境條例以及把我們暴露於僱主虐待、中介及財務公司剝削的簽證限制。即使它們濫收費用及非法收費均不會被罰,因為與保障我們的權益相比,外勞輸出國政府更關心的是怎樣在私人中介公司的協助下持續輸出勞工。」

Lestari又指她們在要求修訂入境政策以外,亦關注外籍家務工的勞工議題,例如是政府單方面決定的可接受最低工資、外籍家務工被排除於法定最低工資保障之外以及缺乏工時管制。

她補充:「當國際社群已於國際勞工公約第189條中,承認家務勞動為正規工作,並規定家務工必與其他工人待遇相等。然而,在港的外籍家務工依然被排拒於對我們權益有利的勞工政策以外,這一點是必須改變的。」

Lestari表示Erwiana回港作證指控僱主,正考驗香港政府如何在義憤填膺的外籍家務工前展示公義,也顯示受害者抵抗其壓迫者、捍衛自己及其他有類似殘忍虐待遭遇的受害人時的勇氣及力量。

Lestari總結:「有一件事是肯定的,就是外籍家務工們將會保持關注,並保證公義必會為Erwiana以及所有曾遭受虐待、社會排斥及香港現代奴隸制度之害的家務工而彰顯。我們會繼續發起運動要求香港及家務工輸出國的政府,修改損害我們權益及福祉的法例。」