新聞解毒短打:新聞還是肥皂劇? 差館變片廠?

轉載自[草根.行動.媒體]

文:醒目街坊

「靚女督察轉數高」?
方向報報導警察破咗單電話騙案。之但係,女警破案成唔成功,同佢靚唔靚無關係喎。今次仲要係電話騙案,騙徒全程都見唔到女警個樣,方向報竟然大字標題煲個女警「靚女」、「樣貌娟好」呀咁,家陣係咪唔靚就破唔到案先?最後單案咪又係靠另一位女警出現先成功捉到騙徒!

仲有,警察做嘢,唔係成日話「案情不便透露」架咩?因乜解究今次破例,詳細交代「騙案劇本」?話晒一日未審,事發經過都算係案情嚟架喎,仲要上晒頭版添。真係令人不禁懷疑,方向報使唔使咁急住為警察邀功啊?唔通係處於佔領事件的敏感時期、警察形象唔多好嘅當下,做番啲形象修補工程?

其實電話騙案橫行,方向報煲差人煲到好似肥皂劇咁,街坊睇完認真得啖笑!不如學下我隔離屋個師奶仲好啦!佢就真係醒嘞,前兩日都收到電話,「阿仔」慘叫俾人挾持俾人打,師奶個心當堂驚一驚,不過好快就回過神,心水清認出把聲唔係自己個仔,仲即時同老公打俾個仔求證,令騙徒無法得逞。所以幾時都話,睇埋咁多報紙呀、警訊呀,都不及自己在危亂時保持鎮定,再搵人幫忙咁可靠!

報導原文:
「騙徒唔知碇」
「靚女督察轉數高」
廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: