基層要有住屋權 政府咪要遊花園

﹣回應《長遠房屋策略》

轉自: 心水報2015年一月號

年尾流流,政府出份長遠房屋策略。近幾年屋租舖租樓價升到離曬譜,公屋又排到傻都未上到樓,梗要睇政府有咩講。

點知,講黎講去都係增加供應,根本係帶市民遊花園。增加供應,咪一樣有人炒樓,基層點都買唔起啦!你估無價無市,地產商又會起咁多樓咩?再講,現時無物業空置稅,炒家囤積居奇零成本,基層莫講話買,淨係租金都係

咁升。嘥氣!

成份文件隻字不提分配問題,唯一關事的租 金租務管制,都話唔會重設。諗返,2004年 政府話樓好多、租金跌、公屋上樓時間短, 租客議價能力高,唔洗保障,於是撤銷租管。 但依家租盤少,租金貴、公屋要排半世人, 基層的住屋環境越來越恐怖…按照同樣邏輯, 點解唔係重設租管呢?

至少,租管限住加租唔多過三成;租金唔高過市價九成;有咗租管,就算啲樓炒到癲,租金都唔會好似而家咁,癲到一加加一倍。雖然重設初期,租金可能會升,但長遠可以保障基層有合理而穩定的住屋環境。況且,即使是當年的租務管制,只要業主證明自己使用單位的需要大過租客、租客拖欠租金,或者租客用單位從事非法活動,都一樣可以收回單位。

講到尾,都係要平衡住屋權和私產權,避免出現有屋無人住、有人無屋住的情況,大家先可以安居樂業嘛!

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: