草根小劇場:自願性醫療保險-有無著數?

轉載自:草根‧行動‧媒體

編按:近排睇電視都賣緊廣告講到自願醫保有幾好,但對基層街坊就似乎冇乜好。點唔好法?齊齊睇下這個草根小劇場啦~

====

轉自: 心水報2015年一月號

媽:政府這陣成日講自願性醫療保險,講到好似好好咁。阿仔,你做保險的,我們到底用不用買呢?

仔:我們又不是有錢,又不是成日去私家醫院,不用買啦。

媽:但我聽過買自願性醫療保險可以免稅喎。

仔:免得幾多呀?最多得十幾廿蚊。連消委會都話它的行政費佔成35%咁多,保單又有很多東西不包保。

媽:唔係喎,我聽說,坊間的醫療保險只是包住院手術,但現在這個連非住院手術都包喎。

仔:我們有幾何做手術呀?佢又唔包專科門診診金,又唔包藥費。就算買左,覆診都係要去番公立醫院。好似我們家,都只是因為老豆患癌,時不時要去公立醫院覆診,最貴就是那隻標靶藥,平均一個月要$14,000-$16,000,但那藥屬於「自費藥物」,自願性醫療保險不會包。咁無理由花錢去買藥,同時又洗一筆錢去供個不知道有沒有用的保險啦。

媽:那我和老豆不買了。你買囉啦,你還有大把日子。

仔:我買都未必化算。之前看過2012年的資料,40歲以下的人買,一年保費要$2200。如果是高風險人士,還有可能要多收最多兩倍保費,即係俾多$4400。佢又冇講咩人先算高風險,老豆有癌症,容乜易保險公司又話咩遺傳影響,連我依家無病無痛都變成高風險人士?咁就一年就要供$6600,仲未計通脹!還有,有病有痛要做檢查,有些好貴的檢查,保險公司最多可以要你俾番大拿拿成三萬蚊分擔費。所以都不知道是保障自己,還是幫保險公司賺錢啦!

媽:吓?原來自願性醫療保險不是向政府買,而是向保險公司買的!?

仔:係呀,所以都係留返個錢,儲下錢,必要時用來買藥好過啦。講真,就算有錢都未必會睇私家醫院啦。現在還批地給私家醫院建新醫院,私家醫院牟利的嘛,有錢賺都係入私家醫院袋,又唔會入政府袋;另一邊廂政府又分分鐘話唔夠錢,都唔知會唔會削減公營醫療開支。唉,其實比起其他國家,香港政府真係擺好少錢落去公共醫療度(見註)。政府有心改善香港醫療制度的話,不如俾多點錢公營醫院,請多點醫生護士仲實際啦。

a

註:很多發達國家如法國、意大利、挪威、加拿大、日本等,公共醫療開支佔GDP比例約7-9%,古巴亦有8.1%,甚至以色列都有4.7%,反觀香港只得可憐的2.48%!

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: