婦女想打工都要有時間,細路邊個湊?

轉自: 心水報 2015年3月號

 

最近,政府為了支援婦女投身職場,「開發婦女勞動力」,搞了一堆計劃。

其實好多基層婦女都好想出嚟掙錢嫁,但細路無人照顧,又無錢請外傭幫手 ,無計啦。仲要政府定咗條咩鬼法例,話16歲以下的少年人或兒童獨留家中是犯法。明明小朋友已經中學,但都要留係家睇住佢?個年齡係咪定得太高呀?

如果搵坊間的課餘託管託兒服務,社區中心搞都平均要$500-$600一個月,一來對基層街坊都唔少,二來都未必有位。如果真係想支援婦女出嚟做嘢,最實際就是提供免費的社區內託兒服務啦。

可是,勞工及福利局,只是會分階段加多5000個廉宜課餘託管託兒資助名額,去到6200個。一聽就知唔夠啦!三年前政府做的人口普查,成四萬個婦女都話,如果有足夠支援會出來做野喎。你話四萬同六千,差幾遠?

勞福局仲整色整水咁話,同大公司合資搞個4億的輔導計劃,搵專業人士輔導約一萬個中小學生如何面對生活挑戰?嗰4億拎去增加免費託兒服務,仲好啦!

張建宗仲話,令婦女可以投身職場,到最後仲要靠僱主配合配合,安排對家庭友善的工時先得喎。嘩,唔係個個老闆咁好人會照顧員工需要,唔通張局長咁講兩講,老闆就會突然關顧員工需要?

唉,如果政府真心想支援婦女就業,都係增加社區內的免費託兒服務,同快啲訂立工時規管啦。咁就大家都得益啦!

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: