Archive for 2017 年 09 月

轉載|炒散師奶雜紀 之二:九月中問你十一月番唔番工,咁係咪十月期間當炒魷?

轉載自[草根.行動.媒體]

故仔:蔡師奶

2

做師奶,老公賺果份又唔夠洗,個細路又細要照顧,又唔係讀好多書,咁即係時間唔穩定,但又等錢洗,咁會搵到啲咩工呢?就哽係唔謊係薪高糧準福利好啦!所以,炒散,就係我地嘅選擇,亦可以話,唔係一種選擇。炒散真係見盡人生百態,等我蔡師奶係到教精大家,無咁易俾人搵笨!

之二:九月中問你十一月番唔番工,咁係咪十月期間當炒魷?

你知啦,promoter呢行,話就話炒散啫,其實好多人都符合所謂長工的418要求(即係連續四周為同一老闆打工,每周至少18小時),查實係有晒大假年假果啲福利。

咁啲老細呢,就哽係鐘意扮傻啦。話說我有個姐妹,做開推廣員。佢老細,見佢一路番緊418,於是,就扮哂嘢喎,九月中時,走去問佢十一月番唔番工,扮哂佢係散工咁問佢。咁我姐妹就好醒,就直接問:咁你係咪即係十月會炒我,當十一月又請番我咁?

查實呢,咁的情況,老細真係咁玩野,佢係要俾遣散費你架,因為你合乎418嘛!

廣告

[七漆柒]之舞

林鄭赴藍屋開幕禮,除了東北橫洲村民到場抗議,還有利東街may姐跳了一個半小時[七漆柒]之舞。

更多:
橫洲三村公開信:https://radicalhk.com/2017/09/19/wangchau-19/

轉載|炒散師奶雜紀 之一:八號波走唔走得?勞工署都答唔到你!

轉載自草根.行動.媒體

故仔:蔡師奶

做師奶,老公賺果份又唔夠洗,個細路又細要照顧,又唔係讀好多書,咁即係時間唔穩定,但又等錢洗,咁會搵到啲咩工呢?就哽係唔謊係薪高糧準福利好啦!所以,炒散,就係我地嘅選擇,亦可以話,唔係一種選擇。炒散真係見盡人生百態,等我蔡師奶係到教精大家,無咁易俾人搵笨!

之一:八號波走唔走得?勞工署都答唔到你!

話說,我地師奶最多炒散就係做[蒲毛她],英文即係promoter,中文即係推廣員。做呢行有一樣野好妙,就係,你日日番工係超市,指指點點你果啲人,唔係你老細,你老細係一間好遙遠的中介公司。之但係,如果你唔聽超市話,超市啲人就可以叫你老細炒左你,係咁架喎!

呢排打風,咁你估下,番番下工,打風喎,咁我地會點呢?

白紙黑字請你個老細,就會同你講:八號波呢,你就馬上走啦!但係呢,超市個經理就叫你唔好走喎!咁你話,我地打工嘅,係走,定係唔走?走左會唔會俾人當早退會扣糧?

咁有無勞工法例可以跟呢?咁我就查過,勞工署都答唔到你!事關香港的勞工法例對打工仔女都好唔友善,最後都只有上庭抝,咁就要睇兩樣野:

一) 公司有無慣例?

二) 公司有明文規定?

如果有呢兩樣,又講明有得出糧的,咁上庭追番啲糧,就會好啲囉……

21430413_1070458719757818_3882134915766658427_n.jpg