平台合作社講座:工作自由唔一定要冇晒保障,聽過「平台合作社」嗎?

平台合作社講座:工作自由唔一定要冇晒保障,聽過「平台合作社」嗎?
日期:3月15日(星期五)
時間:16:30-18:00
地點:女工合作社游泳池旁
報名:5629-2474(Wingo)

————————————————————————
〖咩係平台?〗
我哋嘅生活由好多平台編織而成:在社交平台Facebook、IG上互動溝通已如呼吸般自然;趕忙或搬運時我們馬上想起共乘平台Uber、GoGoVan;聽音樂自然會打開spotify、Apple Music ;好多大學生都有賴補習中介網幫佢哋搵學生賺生活費。平台泛指網上嘅社交媒體、網站甚至是網絡等,用戶可以透過平台提供或者使用服務。

我地除咗喺平台上面消費之外,唔少工程學生畢業之後,可能會參與平台的營運和維護(甚至自己組隊整個新平台出黎),每年Uber和Spotify呢啲大營平台都請唔少大學生;除左工程學生,唔少大學生都會喺平台上提供補習、設計、攝影等等服務賺錢。

〖依家嘅平台有咩問題?〗
唔少平台例如Uber、Deliveroo製造咗唔少零散工,美其名係享受靈活工作時間,事實係冇晒勞工保障,Uber甚至抽司機1/4嘅人工做佣金,非洲既Uber司機每日搵既錢只係夠填飽個肚。

唔少同學用緊嘅補習平台都會收取佣金,時不時都會有同學喺CU Secrets 呻某啲平台既質素好差,堂費被壓榨到好低不特只,動輒又話要行政費或賠錢,配對學生又成日出問題冇得追究……

〖咩係平台合作社?〗
平台以「合作社」形式營運,合作社成員共同擁有平台,每個成員都可以參與決策。例如美國既Green Taxi Coop 就係共乘平台合作社,成員超過一千人,定期開會共同決策。收入扣除咗未來發展基金,所有餘款都會喺每年年底發還返畀社員。

**講座講乜?**
我們會邀請邱林川教授及阮耀啟博士分享,講座主要圍繞以下問題:
1. 合作社在香港面對什麼限制和機遇?香港有沒有平台合作社?
2. 平台合作社是如何運作的?
3. 大規模的合作社成員超過一千名,如何踐行「所有社員一人一票、民主決策」?
3. 外國例子要應用在香港,面對甚麼問題?
4. 香港平台合作運動有甚麼長遠策略?例如會從哪一個範疇著手去推廣平台合作社?
5. 2018年,亞洲歷史性地舉辦了第一次平台合作主義聯盟大會,講者對合作社有甚麼新想法?

—————————————————————————
講者:
邱林川教授
《平台點合作》作者之一;香港亞太政策研究所社會創新中心聯席主任;香港平臺合作運動發起人之一;香港中文大學新聞傳播學院副教授。主要研究信息傳播技術、數位勞工與階級、全球化及社會變遷。

阮耀啟博士
《平台點合作》作者之一;香港社會效益分析師學會創辦人並擔任其行政總裁,香港中文大學社會創新研究中心研究統籌,致力推動社會經濟及社會影響評估的發展。

~~~~~~~~~~~~~~~~~~

[紮根中大十八載 ‧ 繼承兩世紀實踐 ‧ 細訴一生走來路]系列展覽活動:

平時我們光顧的「女工」全名是「女工同心合作社」,自2001年紮根中大。鮮為人知的是社員也是草根行動者,親歷多場勞工、民主抗爭。是次一連兩週、各四日的展覽,就是要向大家呈現:女工合作社本身就是場抗爭。

共同擁有業務下,社員不受老細壓榨,一同決定「點做嘢」。陳健民教授憶述「和平佔中」商討日中發現:「其實人喺出面嘅大企業打工….. 每日嘅生活令佢哋習慣專制……合作社確實係打破資本主義嘅思考方式。」

展覽中,你將一窺兩世紀前展開的合作社運動長河,其覆蓋工種之多、聯盟之可能。展覽末,女工姐姐將親口細訴從失業女工、農民、主婦再尋定位、結識海外同伴的心聲。

女工扎根的范克廉樓地庫池畔舖位,今年將面臨第四次公開招標。未來「女工夜話」等一系列活動上,我們期待與你在一買一賣以外,互相認識,一齊構想未來路向!

展覽詳情:
日期及地點:6-9/3 (YIA G/F), 11-15/3 (文化廣場)


53651577_2407229979322452_4649011779605626880_o.jpg

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: