轉載|齊上齊落:打工仔女和你砌

轉自:草根‧行動‧媒體【讀者投稿】

fired worker.png

見到草行媒啱啱出左篇文,提到打工仔女碰倒因被罷工而俾老闆扣人工嘅問題,諗起呢排好多
人都喺度諗緊同講緊攪罷工、攪工會,咁我其實都有喺度諗緊呢樣嘢,同都搵左唔少料睇,同
好似見倒有啲部份暫時都唔多覺有好多朋友提及,所以啲起心肝投個稿俾草行媒同大家分享下
,希望草行媒編輯可以採用同登出嚟啦。

首先,講下法例。如果仔細睇下啲關事嘅法例。比如《僱傭條例》裡面關於罷工嘅解釋、職工
會唔受歧視嘅保障、打工仔女參加職工會同埋職工會活動嘅權利、打工仔女享有僱傭保障嘅權
利。《職工會條例》裡面關於職工會嘅權利與法律責任。(甲)

再噒下佢哋,你就會發覺原來法例上雖然有保障打工仔女罷工嘅權利。但係呢啲保障淨係會保
障因為勞資糾紛攪嘅罷工。重要果啲甚麼保障都只係保障你如果因為呢啲罷工而俾老闆炒,咁
就係老闆唔啱,要賠償。如果想要點復職,好似都唔係唔可能,不過應該都幾難。同埋如果老
闆真係有心要炒你,使乜咁煩呀!是但講個原因都可以終止合約啦。

咁即係話,大家呢排講緊諗緊嘅攪工會攪罷工,放個核彈攬炒政府,其實係喺法例上係一啲保
障都冇嘅!咁但係,睇住個政府咁仆街,罷唔倒工,炒佢唔起,條氣又真係唔順。咁點算好呢
?係唔係真係冇計呢?都明嘅,對啲自己食自己嘅月光族或者啲有家累嘅打工仔女來講,冇左
份工又真係好難攪同好令人擔心嘅。不過條氣又真係頂唔緊,哽唔落。點算好呢!?

諗起草行媒之前篇文提到嘅勞工組,我之前都有聽過佢哋嘅分享。佢哋嘅組合並唔係慣常聽得
多嘅行業或者企業工會,佢哋嘅成員係喺唔同嘅企業,唔同嘅行業打工嘅。而佢哋嘅做法,好
似係同遇倒問題嘅打工仔女了解清楚情況之後,就會俾意見同鼓勵啲打工仔女點樣自己去直接
同老闆傾同爭取應有嘅權益。如果都攪唔掂,佢哋就會動員啲成員一齊去遇倒問題嘅打工仔女
返工嘅公司或者舖頭,直接俾壓力個老闆,迫佢同佢哋坐低傾。咁諗落,如果大家真係唔好彩
,因為法例唔保障嘅罷工俾老闆攪嘅話,搵佢哋幫手一齊砌,可能都重會有啲揸拿,唔一定輸
喎!同埋勞工組佢哋好似重攪埋個會員每月供款嘅內部罷工基金嚟支援因罷工而出現經濟困難
嘅會員添喎。

再加上,如果大家有留意而家時不時都聽倒有啲舖頭會藍扮黃,其實咁即係話大家齊心同持續
嘅罷對啲生意佬其實係有可能有啲力,會迫倒佢哋有反應嗰喎。咁大家如果真係可以走埋一齊
,一方有事,八方支援,齊上齊落,咪有機會可以幫倒啲俾啲仆街老闆攪嘅打工仔女囉。
呢種工運抗爭模式,如果資訊攪得好,同大家真係肯出來,應該有得攪喎。咁咪即使傳統行業
或者企業工會因為法例限制而未必攪倒嘅問題(乙),都有機會可以靠大家齊上齊落、be
water而有得砌囉!咁啲未必咁容易罷倒工嘅打工仔女咪可以多啲信心出來齊上齊落囉!雖然唔
可以話零風險,但都應該有得砌掛。正所謂砌就有機會贏,唔砌就輸一世喎。同埋即使真係砌
唔掂,大家夾埋個罷工基金,幫手頂住先,再一齊幫手搵過個良心老闆囉。
有冇得諗先!?

japan1952.jpg

(甲)《僱傭條例》及《職工會條例》的網上連結及相關章節:
《僱傭條例》https://www.elegislation.gov.hk/hk/cap57
2. 釋義
罷工(strike)具有《職工會條例》(第332章)第2條給予該詞的涵義
第IVA部 職工會不受歧視的保障
21B. 僱員參加職工會及其活動的權利

32A. 僱員享有僱傭保障的權利
32B. 遭僱主解僱
32N. 復職及再次聘用的命令

《職工會條例》https://www.elegislation.gov.hk/hk/cap332
第I部
導言
2. 釋義
“罷工” (strike)指一群受僱用的人經共同協定而停止工作,或任何數目的受僱用的人因發生糾紛
而一致拒絕、或經達成共識而拒絕繼續為某僱主工作,作為迫使他們的僱主、另一人或另一群
人的僱主,或任何受僱的人或一群受僱的人,接受或不接受僱傭條款或條件或影響僱傭的條款
或條件的方法;
第VII部
糾察、恐嚇及串謀
46. 和平糾察
即使本條例另有規定,如一個或一個以上的人代表其本人,或代表任何已登記職工會或代表任
何個別僱主或商號,為籌劃或深化勞資糾紛而出現於或臨近任何人工作或營業的地方,目的僅
是為和平地取得或傳達訊息,或和平地勸說他人工作或不工作,則屬合法︰
但如他們如此出現因人數或因有關方式而屬刻意對該地方的任何人造成恐嚇,或妨礙出入,或
致使社會安寧被破壞,則屬不合法;任何人違反本但書,即屬犯罪,循簡易程序定罪後,可處
罰款$1,000及監禁6個月。

(乙)呢度唔係想話啲工會做唔倒嘢。大家要明白同體諒,佢哋係需要根據香港而家啲法例嘅
要求,去組織打工仔女,去登記成立工會,先可以就住法例嘅保障同大家去爭取。呢啲其實係
法例嘅限制,而唔係工會嘅限制囉。如果大家可以先為自己直接嘅權益組織工會,打好個底氣
,再自發主動行多兩步,為大家可能冇咁直接但其實都好影響緊大家嘅議題投入多啲,了解差
異,尋求共同,聯網聯盟,齊上齊落,咁真係會有機會罷乜都有力㗎!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: