Archive for the ‘短片’ Category

影片|20190430 棚仔遞信行動

借用深水埗小學鷄的文字分享:
//我都不知道用「迷茫」和「不知所措」去形容小販的心情,是不是最準確。只是已經不只一次聽到他們話「個鐘壞咗啊,唔換啦,都唔知幾時要走」、「唔入貨啦,都唔知幾時要走」、「棚頂布帳舊了漏水,唔換新啦,搵膠板頂住先啦,都唔知幾時走」…

由2015年開始,他們叫「要與高永文對話」,到今時今日他們已經係搵陳肇始啦…政府都換了代…
雖則政府一日唔郁,就一日可以做住先…但依家真係半天吊,小販完全計劃唔到未來,咁落去都唔係好事…//

影片製作:社區互助發展行動、影行者

——–相關連結———

[20190430 棚仔請願信全文] (全篇都係小販自己寫架!! ❤ )

[20190430相片回顧]

廣告

短片|深水埗區議會(5/3/2019)休會期間小販發言講咗乜?

轉自:深水埗小學雞

上星期二,深水埗區議會討論棚仔小販安置進度。搞笑嘅係,張永森主席喺休會期間先俾小販發言,小販一發完言,就宣布復會喎!換句話講,小販講嘅嘢一句都無錄音、一句都唔會落喺會議紀錄啦…
想知小販講咗咩?就快啲睇片啦。

btw,發言小販何生事後話,因為時間關係,有一個重點佢無在會上講:
幾年前食環講過小販搬遷後要以「台商」身份經營,小販不能接受。事關「台商」是需要商業登記,除咗要俾每年$2500商業登記費之外,仲需要「做數」以供報稅之用。自己唔識做數,就要去搵會計報稅公司,閒閒地都要幾千至一萬蚊,所有來往收入、支出單據要保留六年。相對以「小販」身份經營 — 每年$128小販牌照費,不用報稅亦不用「做數」 — 「台商」身份大大加大了小販的財政和行政負擔。

有心做好安置的話,就要確保小販的經營條件存在啦!如果唔係就只係變相迫人執笠咋喎!

轉載|劏房家庭海旁唱《劏房家庭》(原歌:普世歡騰)

轉自: 香港聖公會麥理浩夫人中心 私人樓宇、劏房及「n」無家庭支援服務

影片見:
https://www.facebook.com/PrivateHousingService/videos/414247705780802/

 

劏房世界 (原歌:普世歡騰) G major間屋好細 啲租好貴
廁所 無窗 唔合理
當初簽死約搵我笨 天花板穿窿怎麼辦
日住夜住鼻敏感 抽風咋 條渠成日臭
最近門口啲燈制壞晒 搵鬼理

啲租好貴 間屋失禮
無位 容納 電器
冬天衫擠嚮喼裡面 拎開把風扇煮個麵
密密實實係咁質 將張枱移嚟移去
根本全屋都塞滿 物件搵位放

福榮過聖誕,2018

轉自:深水埗小學雞

每年就近聖誕,在這條人稱玩具街的深水埗福榮街都會十分有節日氣氛!

今年我們就同大家來走走, 支持一下小販和小店啦! 唉,還以為聖誕節, 街坊會生意好一些, 多一些笑容,誰知原來做到無停手,才算剛剛好。 市道不好呀!希望政府就讓我們街坊過過節吧!
其實小販的貢獻不應該是交罰款嘛,沒有小販怎會有平價貨? 沒有這些檔販,又怎會有這麼漂亮和有特色的街道?我作為街坊日日經過,見到五花八門的東西,雖然有點擠,但也覺得好有朝氣。 心情都好些啦! 其實香港的地產搞到舖租這麼貴, 若不讓人好好地做小販,到頭來消費者還不是要幫店家交貴租? 那我們這些基層市民 ,哪來這麼多錢買東西呀?

各位香港市民,真的要多來深水埗支持一下社區經濟啦!

 

短片|劏房難處多(一)水費任佢收

劏房超收水電費已經夠離譜,連訪客借住一晚都話要收多份水費?!

(題材來自深水埗街坊真實故事)


鳴謝:提供資訊的街坊

共同創作: 長旗涼美、小歌、朗宜、舜怡、善怡、維怡、穎琪、Jason

製作: 影行者及社區互助發展行動

 

海麗罷工祝捷 工友組織者有乜講(短片)

轉自:草根‧行動‧媒體

 

經歷十天罷工,海麗清潔工友爭取成功,
然而罷工後復工第一天,立即就要回到累人工作中….

海麗罷工祝捷,齊來聽聽工友及組織者/後援成員的感想。

製作:草根‧行動‧媒體

相關影片回顧:
昨日海麗邨清潔工罷工第四日(短片):https://wp.me/p2HdPx-3BD
海麗清潔工罷工過年 元旦遊行開籌罷工基金(短片):https://wp.me/p2HdPx-3BM
影片|海麗邨清潔工罷工第八天紀:https://wp.me/p2HdPx-3Ca

轉載|海麗邨清潔工罷工第八天紀 (短片)

轉載自草根.行動.媒體

罷工踏入第八日,除了聲援人士/團體支持,雄仔叔叔還與工友一同創作,並一同遊行到海麗邨房署門前高呼:

我們來做甚麼?
我們來拍門,不是來求你!
我們來拍門,要來提醒你!
我們有一對有力的手,嘭!嘭!嘭!
我們可以搬走垃圾,也可以搬走民順老闆!

製作:草根‧行動‧媒體