Posts Tagged ‘棚仔’

影片|20190430 棚仔遞信行動

借用深水埗小學鷄的文字分享:
//我都不知道用「迷茫」和「不知所措」去形容小販的心情,是不是最準確。只是已經不只一次聽到他們話「個鐘壞咗啊,唔換啦,都唔知幾時要走」、「唔入貨啦,都唔知幾時要走」、「棚頂布帳舊了漏水,唔換新啦,搵膠板頂住先啦,都唔知幾時走」…

由2015年開始,他們叫「要與高永文對話」,到今時今日他們已經係搵陳肇始啦…政府都換了代…
雖則政府一日唔郁,就一日可以做住先…但依家真係半天吊,小販完全計劃唔到未來,咁落去都唔係好事…//

影片製作:社區互助發展行動、影行者

——–相關連結———

[20190430 棚仔請願信全文] (全篇都係小販自己寫架!! ❤ )

[20190430相片回顧]

廣告

短片|深水埗區議會(5/3/2019)休會期間小販發言講咗乜?

轉自:深水埗小學雞

上星期二,深水埗區議會討論棚仔小販安置進度。搞笑嘅係,張永森主席喺休會期間先俾小販發言,小販一發完言,就宣布復會喎!換句話講,小販講嘅嘢一句都無錄音、一句都唔會落喺會議紀錄啦…
想知小販講咗咩?就快啲睇片啦。

btw,發言小販何生事後話,因為時間關係,有一個重點佢無在會上講:
幾年前食環講過小販搬遷後要以「台商」身份經營,小販不能接受。事關「台商」是需要商業登記,除咗要俾每年$2500商業登記費之外,仲需要「做數」以供報稅之用。自己唔識做數,就要去搵會計報稅公司,閒閒地都要幾千至一萬蚊,所有來往收入、支出單據要保留六年。相對以「小販」身份經營 — 每年$128小販牌照費,不用報稅亦不用「做數」 — 「台商」身份大大加大了小販的財政和行政負擔。

有心做好安置的話,就要確保小販的經營條件存在啦!如果唔係就只係變相迫人執笠咋喎!

[布.小販.棚仔]導賞團

轉自:深水埗小學雞

(為了讓大家有多點時間和小販交流,[布.小販.棚仔]導賞團的時間會延長半小時。)

41336412_313015399432378_1706675177133178880_o

香港製衣業都有過一段輝煌時代,除了跨國出口貿易、本地的工廠,原來還連帶著一系列鮮為人知跟布相關的「回收行業」!?

現在小販很容易被稱為「香港特色」。但類似的簡單小生意、趁墟,應該幾千年前就已經出現,到底為什麼需要被限制?小販牌是什麼時候出現的呢?

兩年前,深水埗有個叫棚仔(欽洲街臨時小販市場)的地方被食環署迫遷,機緣巧合之下我們認識了一班棚仔小販和他/她們的歷史,開始了小販的合法性/正當性、基層生活空間等的探索和思考。

希望這個導賞團可以讓大家對小販和基層生活有新的認識和理解。

日期:10月13日 (六)

時間:1400-1700

收費:$80/人

導賞團集合地點、收費方法會在報名後通知
報名:https://goo.gl/forms/mSesYmKPnHPsb5id2

主辦:社區互助發展行動(深水埗小學雞)