Posts Tagged ‘深水埗’

影片|20190430 棚仔遞信行動

借用深水埗小學鷄的文字分享:
//我都不知道用「迷茫」和「不知所措」去形容小販的心情,是不是最準確。只是已經不只一次聽到他們話「個鐘壞咗啊,唔換啦,都唔知幾時要走」、「唔入貨啦,都唔知幾時要走」、「棚頂布帳舊了漏水,唔換新啦,搵膠板頂住先啦,都唔知幾時走」…

由2015年開始,他們叫「要與高永文對話」,到今時今日他們已經係搵陳肇始啦…政府都換了代…
雖則政府一日唔郁,就一日可以做住先…但依家真係半天吊,小販完全計劃唔到未來,咁落去都唔係好事…//

影片製作:社區互助發展行動、影行者

——–相關連結———

[20190430 棚仔請願信全文] (全篇都係小販自己寫架!! ❤ )

[20190430相片回顧]

廣告

福榮過聖誕,2018

轉自:深水埗小學雞

每年就近聖誕,在這條人稱玩具街的深水埗福榮街都會十分有節日氣氛!

今年我們就同大家來走走, 支持一下小販和小店啦! 唉,還以為聖誕節, 街坊會生意好一些, 多一些笑容,誰知原來做到無停手,才算剛剛好。 市道不好呀!希望政府就讓我們街坊過過節吧!
其實小販的貢獻不應該是交罰款嘛,沒有小販怎會有平價貨? 沒有這些檔販,又怎會有這麼漂亮和有特色的街道?我作為街坊日日經過,見到五花八門的東西,雖然有點擠,但也覺得好有朝氣。 心情都好些啦! 其實香港的地產搞到舖租這麼貴, 若不讓人好好地做小販,到頭來消費者還不是要幫店家交貴租? 那我們這些基層市民 ,哪來這麼多錢買東西呀?

各位香港市民,真的要多來深水埗支持一下社區經濟啦!

 

新春桂林夜市 街坊有野講:[識做]是小販特性 建制政府請勿抹黑 政團請勿幫倒忙

轉載自 [草根.行動.媒體]

photo168342759746415005
今年周街都是食環人員和充公車

photo205190911971404266

文:深水師奶

作為一個深水埗桂林街一帶住左十幾年的師奶仔,對於今年無桂林夜市,真係好失望。

早個月就在網上見到民賤聯聲稱好多街坊唔鐘意新年有人擺賣,話污糟又有黑社會,就話今年要求食環嚴打。然後,又有各方蠢蠢欲動的政治團體,又有人去區議會示威,又有人搞記招,又有人話初一下午4-6擺檔明搞對抗,又有人話要幫啲小販搞好衛生和交通問題,叫食環唔好搞佢地咁話。各式其色,牌頭多到不得了,我都分唔清邊個打邊個啦。

小販係基層揾食方法之一,新年三日都唔通融下真係好無人情味,呢啲我梗係認同啦。有人出嚟搞下野撐下基層梗係好事,之但係果啲團體講咩呢?我好驚驚地發覺,點解有啲團體,雖然撐小販,但論調竟然同民賤聯無分別,都係話小販構成嚴重安全和衛生問題?佢地其實有無落區了解過情況,對小販的運作又有幾熟悉?

 

首先,[額外]的衛生問題?
有團體聲稱要來[協助小販處理衛生問題],其實我睇唔出有咩特別的衛生問題。即係唔係話無所謂[額外的垃圾],只不過平時嚟講,根本果一帶都好多小食店,垃圾筒迫爆、周地醬汁是常有之事。咁依呢個邏輯係咪要唔俾人係到開小食店?咁民賤聯又唔敢。咁即係所謂的額外垃圾,根本只是針對沒有資本開舖頭的小販啦。況且,所謂額外的垃圾,以我所見,主要不是小販的垃圾,而是消費者的食物袋/殘渣/跌落地上的食物等無處理好。

不過,作為桂林一帶的街坊 我親眼見到其實之前幾年食環署有放置大型的垃圾筒同垃圾袋,只要放多幾個就已能處理大量垃圾,不過都係有消費者唔乖的問題架啦。但經過一晚清潔工友的清理第二朝去拜年根本見乜春都見唔到。

當然, 如果有人話,明白到食環署的清潔工友辛苦,又外判又低薪仲成日俾人拖糧,因而想新年回饋下基層,幫下清潔工清理下都無話唔好。係,啲團體咁強調衛生問題, 即係認同了民話夜市特別污糟的說法啫作為街坊的我就覺得有誇大之嫌。

如果話係想擺個姿態攞大眾認同這些團體的想法的話,咁為左攞大眾認同而講啲與事實不符的野去過度屈左啲小販,又係咪問題呢?

 

第二,安全
啲團體又話,要規劃出小販區和行車線免得車人爭路唔安全喎。

其實,小販都係想揾食啫,都唔想出事搞到無得揾,所以,咁多年嚟,佢地都係擺埋路邊,一向都會有條車路俾車行。識做根本就是在縫隙生活的小販的特性,呢啲野,根本無須外人來做任何規劃。

就算平時要在福榮街/桂林街轉出元州街的車都不會行快車 因為大家都知果到好多人,成日有車落貨而且,係人都知新年呢頭係夜市,識野的車都唔會駛入嚟,駛得入嚟預左塞少少,新年流流,大家都會自動調較。呢啲野,好自然啫。大家唔好好學唔學,學埋香港政府事事都要管理的態度,否認哂小市民互相協調的空間喎。

車路嚟講,平時桂林夜市主要集中在福榮/福華之間一段桂林街以及十字路口小小位。如果有車需要轉入元州街大路,隔個街口就有南昌街可選擇,在福榮街入桂林街轉上一條就係元州街,果段桂林街通常並非夜市範圍。同時,新年的晚上根本不會好多好多車,所謂交通問題,根本多餘,揾野嚟講。

民間團體有咁樣的建議根本等於認同民聯話小販就一定係不自律。我唔係想話小販個個好有公德心好自律,而係想話呢種自律有好功利的原因,就係[揾食要識做],故所謂規劃小販區和車路根本沒有必要。

 

小小感想:
講真,我都知有啲呢頭的業主成日嫌深水埗窮,搞到佢層樓無得升值。相信民賤聯都係群埋呢類業主,嚟搞呢單打壓小販。但選舉現實就係,不一定住係到的業主,好可能有選票;但日日係到生活的基層租戶和小販,就好可能無選票。呢單打壓熟食小販,好明顯就係香港啲有產階級欺壓基層啫。

最後,如上所述,如我呢十幾年的觀察,民賤聯對桂林夜市小販的指控係咪要接受為全部事實都成疑問,咁點解反而要就住民賤聯的分析和口味,來聲稱由民間對小販進行規管?咁會唔會反而變成為插旗而屈左小販?

昨夜某團體在黃金外插旗搞論壇,成絛街無小販出來接受佢地的民間規管,食環車和人員就一堆。企左一陣聽果兩位係到插旗的後生講野,講兩句就重覆話政府偏幫大陸人,欺負香港人,好似鬧大陸人就係萬能key可以解決所有問題咁。關心下基層哽係好,民間自己規劃亦係好主意,但係好多民生事務唔係咁簡單架,如果係為街坊好的,就真係要了解多啲事實層面的問題囉。

即係個問題可以咁問,個矛盾仲明顯啦:點解有錢租舖的熟食檔,佢地啲消費者搞污糟啲地方,就無人因此要取締舖頭;相反,無錢租舖的熟食小販,只不過新年擺三日,佢地啲消費者搞污糟啲地方,就入哂小販數,仲咁惡話要取締?
仲唔係迫小商販交貴租的地產霸權意識作怪?

photo205190911971404267(1)

延伸閱讀:

「最自由經濟體」的雙重標準: http://www.inmediahk.net/node/1020708

那夜凌晨,我在深水埗桂林夜市… http://dicky828.blogspot.hk/2014/02/httpswww.html

(本文作者另一文章: [豆腐主義]連鎖店以本傷人,欺人太甚!

深水埗尋多寶:暑期青少年社區錄像初班

暑期活動好介紹!!

學習基本錄像拍攝技巧及影像語言解讀技巧,學員須完成一份以深水埗區為主題的錄像作品,並於社區內公開放映一次。


日期19, 21, 26, 28/8/2014
時間:下午2-6
地點:春天教會基隆街1847B室) 

對象:中四至中六學生
導師:影行者(香港藝術發展局三年資助藝團)
費用:免費


主辦:社區互助發展行動

報名截止日期:17/8/2014
報名:66772743


歡迎報名|深水埗社區地圖製作導賞團

日期10/8/2014(日)
時間1430-1700
導賞員:成深水埗街坊社區互助發展行動成員+ kelvin重建區義工
活動內容聆聽和分享

每個住在社區或經常在社區活動的人都會有他/她心中的社區地圖。
無論你曾否在深水埗生活過想了解其他人心目中的深水埗也可透過聆聽觀察把街坊心中的地圖畫出來。
其實這是民間自習民主規劃、了解社區問題與需要的重要一步。

我們不會帶你走訪一個懷舊、消失中的深水埗而會帶你走過一趟由土地抗爭、基層勞工、社區網絡、社區經濟交織出來的基層社區。
參加者將就不同主題分組在導賞期間、以影像或筆記方式記錄做成幾幅不同的地圖。
導賞團最後一站,參加者將會在我們每月一次的社區放映會中,透過街頭與街坊一起觀看社區短片了解深水埗的土地與基層的關係。
最後大家將在社區放映的場地把不同的地圖合畫成一幅大地圖、與深水埗街坊分享。

費用你的全程積極聆聽、觀察和分享。

截止報名8/8/2014
報名及查詢66772743
電郵:coreda.ssp@gmail.com

名額:十位,先到先得,集合地點將於通知參加者時告知

主辦社區互助發展行動
協辦影行者

 

​短片|深水埗平民寶藏﹣黃記尋寶城

 

​深水埗咁多好嘢,今次介紹在社區已經十七年、吸引好多街坊去尋寶的「黃記尋寶城」,大­家都唔好走寶!

六十呎住六人-田X收購紀事

住在深水埗天台屋的譚家,
約六十呎也可能不到的空間,
六人擠在一起住,
公屋輪足3年,上樓依然遙遙無期,
田X迫遷又迫在眉睫……


相關文章:
深水埗瘋狂重建 基層住戶何處去: http://shunning6983.wordpress.com/2011/12/07/ssp_tinsun/