Posts Tagged ‘食環署’

過百食環署清潔工發動罷工 抗議食環署苛刻老工友

轉自:草根‧行動‧媒體

過百食環署清潔工發動罷工 抗議食環署苛刻老工友.png
今早(編按:即8月6日) ,過百食環署清潔工發動罷工,抗議食環署施壓,逼外判商懲處、解僱老工友。

在場觀塘區立高轄下清潔工友,來自多個不同工作地區,包括來自三家村、同仁街、瑞和街、月華街、牛頭角、基然里、定富街、油塘等等。有工友指,最近工作時,「白衫」上司不准他們飲食,連飲水都被催促。據悉,食環署連日來向外判商施壓,要針對年老工友,作出懲罰甚至解僱。

罷工工友在觀塘瑞和街市政大廈外聚集,要求食環署給出一個交代,當中有六個工友已超過七十歲。據悉,連受指令的外判商都對食環署的命令不滿。

職工盟清潔服務業職工會聯同女工會清潔工人職工會(下稱兩工會)表示,罷工六小時後,食環署作出妥協,願意就多項嚴苛安排,包括飲食、接收投訴的處理時間、反光衣、指定時間簽到等問題作出讓步。

兩工會將密切接觸工友,接續幾日觀察安排是否合理,了解改善安排,並會繼續約見食環署。

兩工會對食環署今早未有邀請工會參與會議表示非常遺憾,反映署方未有誠意聆聽最前線工友工作的困難, 兩工會將會約見署方,要求署方改善制度上疆化的條文,以及保障工友職業安全,避免倒餿水清泥頭的工作落在清潔工身上。

圖片來自: 香港婦女勞工協會

廣告

新春桂林夜市 街坊有野講:[識做]是小販特性 建制政府請勿抹黑 政團請勿幫倒忙

轉載自 [草根.行動.媒體]

photo168342759746415005
今年周街都是食環人員和充公車

photo205190911971404266

文:深水師奶

作為一個深水埗桂林街一帶住左十幾年的師奶仔,對於今年無桂林夜市,真係好失望。

早個月就在網上見到民賤聯聲稱好多街坊唔鐘意新年有人擺賣,話污糟又有黑社會,就話今年要求食環嚴打。然後,又有各方蠢蠢欲動的政治團體,又有人去區議會示威,又有人搞記招,又有人話初一下午4-6擺檔明搞對抗,又有人話要幫啲小販搞好衛生和交通問題,叫食環唔好搞佢地咁話。各式其色,牌頭多到不得了,我都分唔清邊個打邊個啦。

小販係基層揾食方法之一,新年三日都唔通融下真係好無人情味,呢啲我梗係認同啦。有人出嚟搞下野撐下基層梗係好事,之但係果啲團體講咩呢?我好驚驚地發覺,點解有啲團體,雖然撐小販,但論調竟然同民賤聯無分別,都係話小販構成嚴重安全和衛生問題?佢地其實有無落區了解過情況,對小販的運作又有幾熟悉?

 

首先,[額外]的衛生問題?
有團體聲稱要來[協助小販處理衛生問題],其實我睇唔出有咩特別的衛生問題。即係唔係話無所謂[額外的垃圾],只不過平時嚟講,根本果一帶都好多小食店,垃圾筒迫爆、周地醬汁是常有之事。咁依呢個邏輯係咪要唔俾人係到開小食店?咁民賤聯又唔敢。咁即係所謂的額外垃圾,根本只是針對沒有資本開舖頭的小販啦。況且,所謂額外的垃圾,以我所見,主要不是小販的垃圾,而是消費者的食物袋/殘渣/跌落地上的食物等無處理好。

不過,作為桂林一帶的街坊 我親眼見到其實之前幾年食環署有放置大型的垃圾筒同垃圾袋,只要放多幾個就已能處理大量垃圾,不過都係有消費者唔乖的問題架啦。但經過一晚清潔工友的清理第二朝去拜年根本見乜春都見唔到。

當然, 如果有人話,明白到食環署的清潔工友辛苦,又外判又低薪仲成日俾人拖糧,因而想新年回饋下基層,幫下清潔工清理下都無話唔好。係,啲團體咁強調衛生問題, 即係認同了民話夜市特別污糟的說法啫作為街坊的我就覺得有誇大之嫌。

如果話係想擺個姿態攞大眾認同這些團體的想法的話,咁為左攞大眾認同而講啲與事實不符的野去過度屈左啲小販,又係咪問題呢?

 

第二,安全
啲團體又話,要規劃出小販區和行車線免得車人爭路唔安全喎。

其實,小販都係想揾食啫,都唔想出事搞到無得揾,所以,咁多年嚟,佢地都係擺埋路邊,一向都會有條車路俾車行。識做根本就是在縫隙生活的小販的特性,呢啲野,根本無須外人來做任何規劃。

就算平時要在福榮街/桂林街轉出元州街的車都不會行快車 因為大家都知果到好多人,成日有車落貨而且,係人都知新年呢頭係夜市,識野的車都唔會駛入嚟,駛得入嚟預左塞少少,新年流流,大家都會自動調較。呢啲野,好自然啫。大家唔好好學唔學,學埋香港政府事事都要管理的態度,否認哂小市民互相協調的空間喎。

車路嚟講,平時桂林夜市主要集中在福榮/福華之間一段桂林街以及十字路口小小位。如果有車需要轉入元州街大路,隔個街口就有南昌街可選擇,在福榮街入桂林街轉上一條就係元州街,果段桂林街通常並非夜市範圍。同時,新年的晚上根本不會好多好多車,所謂交通問題,根本多餘,揾野嚟講。

民間團體有咁樣的建議根本等於認同民聯話小販就一定係不自律。我唔係想話小販個個好有公德心好自律,而係想話呢種自律有好功利的原因,就係[揾食要識做],故所謂規劃小販區和車路根本沒有必要。

 

小小感想:
講真,我都知有啲呢頭的業主成日嫌深水埗窮,搞到佢層樓無得升值。相信民賤聯都係群埋呢類業主,嚟搞呢單打壓小販。但選舉現實就係,不一定住係到的業主,好可能有選票;但日日係到生活的基層租戶和小販,就好可能無選票。呢單打壓熟食小販,好明顯就係香港啲有產階級欺壓基層啫。

最後,如上所述,如我呢十幾年的觀察,民賤聯對桂林夜市小販的指控係咪要接受為全部事實都成疑問,咁點解反而要就住民賤聯的分析和口味,來聲稱由民間對小販進行規管?咁會唔會反而變成為插旗而屈左小販?

昨夜某團體在黃金外插旗搞論壇,成絛街無小販出來接受佢地的民間規管,食環車和人員就一堆。企左一陣聽果兩位係到插旗的後生講野,講兩句就重覆話政府偏幫大陸人,欺負香港人,好似鬧大陸人就係萬能key可以解決所有問題咁。關心下基層哽係好,民間自己規劃亦係好主意,但係好多民生事務唔係咁簡單架,如果係為街坊好的,就真係要了解多啲事實層面的問題囉。

即係個問題可以咁問,個矛盾仲明顯啦:點解有錢租舖的熟食檔,佢地啲消費者搞污糟啲地方,就無人因此要取締舖頭;相反,無錢租舖的熟食小販,只不過新年擺三日,佢地啲消費者搞污糟啲地方,就入哂小販數,仲咁惡話要取締?
仲唔係迫小商販交貴租的地產霸權意識作怪?

photo205190911971404267(1)

延伸閱讀:

「最自由經濟體」的雙重標準: http://www.inmediahk.net/node/1020708

那夜凌晨,我在深水埗桂林夜市… http://dicky828.blogspot.hk/2014/02/httpswww.html

(本文作者另一文章: [豆腐主義]連鎖店以本傷人,欺人太甚!

拖欠遣散顯關懷(下)

食環署的外判清潔公司利興, 拖欠大批清潔工友遣散費廿個月之久,
但在拖欠遣散費期間,竟還獲政府十一張共價值一億二千三百萬的合約,
完全違反機制, 為何可發生?

特首見過, 局長高永文見過, 勞審處判工友勝訴

外判商就可以玩法律讓你二十個月取不到遣散費

上週一工友去大老闆食環署總部, 竟然…

 

 

拖欠遣散顯關懐(上)

食環署的外判清潔公司利興, 拖欠大批清潔工友遣散費廿個月之久,
但在拖欠遣散費期間,竟還獲政府十一張共價值一億二千三百萬的合約,
完全違反機制, 為何可發生?
因為利興曾獲「商界展關懷」?還是因為老闆是「傑青」?
工友什麼官都找過, 今次去找食環署要求監察外判, 但……

如大家想知更詳細整年事來龍去脈,

可看行動當日,清潔工人職工會新聞稿(附「利興拖欠200萬遣散費」時序表) :

http://grassmediaction.wordpress.com/2013/08/19/hkwwa-cleaners/

抗議食環縱容無良外判 利興拖欠遣散費 輸左仲呃工友5折「和解」

相片提供: 清潔工人職工會

無良利興拖欠200萬遣散費  五折呃和解

食環署縱容利興違法  五千萬合約照批

勞工處偏幫利興  工友遣散費凍過水

利興清潔服務有限公司(利興)為香港大型清潔外判商之一,承辦食環署、康文署等政府部門、公營機構及私人商場屋苑的清潔服務。利興借調職逼辭職以拖欠食環署灣仔街道外判工友遣散費至今已達8個月,受影響160多位工友的代表早已於7月獲勞資審裁處判勝訴(詳情請見附件)。

於判決後利興毫無任何新理據下向勞審處申請覆核,有關申請已於8月初被駁回。利興最近更向高等法院申請上訴,借法律程序再次拖延賠償遣散費給其餘工人。同時本會得悉利興於覆核失敗後開始派人以個別施壓、誘哄、騷擾或透過勞工處企圖誘使工友接受5成不合理和解方案。我們強烈譴責利興至今仍然無所不用其極誘使工友接受不合理和解,逃避經法庭審訊及覆核後確認的法律責任。我們要求利興立即全數支付遣散費!

食環署一直聲稱會實行扣分制,懲罰違法外判商。於5、6月清潔工會發現食環署將灣仔區、深水埗及油尖區三個街市清潔合共5千萬的合約再次判給利興。食環署的所謂扣分制根本毫無阻嚇作用,再次接受利興投標反映食環署根本不顧外判工人權益,更縱容違法外判清潔公司。

清潔工人職工會由事件開始一直代表工友向勞工處落案及處理申索。但最近有一位現職灣仔清潔的管工協助利興要求部份清潔工到勞工處接受和解,工友怯於管工壓力於未知詳情前被迫前往。我們強烈抗議勞工處藐視法庭判決,協助利興繞過工會,企圖令工友接受不合理和解方案。

我們對食環署及勞工處監管失責,偏幫資方深表失望,並要求:

1.  食環署沒收利興灣仔區街道清潔合約按金,並代為墊支受影響工友應得的遣散費。

2.  食環署落實扣分制,將利興列入黑名單並取消新批予利興的清潔合約,停止接受違反勞工法例公司的投標。

3.  勞工處遵守法庭判決,停止偏幫利興誘使工友接受不合理和解方案,立即協助所有工友依法取得全數遣散費。

如有查詢,請與本會聯絡,電話2790 4848。

清潔工人職工會

2012年8月27日

=======================

食環署於利興拖欠遣散費下仍判新合約給它,沒有懲罰之餘,變相縱容:

2012/6 油尖區街市提供街市管理、潔淨及防治蟲鼠服務(1.7.2012至30.6.2014)  港幣10,384,300.00元

2012/5 為深水埗區街市提供管理、潔淨及防治蟲鼠服務(1.7.2012至30.6.2014) 港幣17,724,210.00元

2012/7 為灣仔區街市提供管理、潔淨及防治蟲鼠服務(1.7.2012至30.6.2014) 港幣19,122,960.00元

https://www.gldpcms.gov.hk/etb_prod/jsp_public/cn/scn00101.jsp

==============

更多詳情: 2012.8.22 清潔工會公開信-1